Anishinaabemowin Interpretation of LTBB Mission Statement
Debendiziwin aawan maanda Odawa aawiyiing. Geyaabi gdaa’aanaa miinwaa gdanwewmi Anishinaabemowin, maanda egishkaago’iing debendiziwin ebidgwasiing mnaadendiziwin miinwaa wiimnaadendiziyiing. Gdabendaanaa debendiziwin kina gwaya Odawak naasaap eyaamjik, maanda naakinigewinan, maadiziwin miinwaa mnidoowaadiziwin gaanaaniigaaniijik debendamowaad. Maanda debendiziwin eyaamiing nangwa, kanamaajiidonaa niigaan ezhibezhigoyiing, kinoomaadwin, dbaakinigewin, giigidowin miinwaa naakinigewin. Kazhiibiignaketaanaa maanda niizhwaachiing bimaadiziwin waabii’aamigak mjignamiing ninda mnomaadiziwinan echipiitendaakin: nbwaakaawin, zaagidwin, mnaadendamowin, aakde’ewin, gwekwaadiziwin, dbaadendiziwin miinwaa debwewin. Kanakaazinaa ninda gdabendaaswinaanin, jimiigwe’iing nakaazwinan jimnomewzi’iing, enitaanokiijik maampii Anishinaabek enaapshkaamwaad maanda gbimaadziwinaa. Ninda eyaamiing echipiitendaakin, mii go kina gwaya maampii enjibaad jiniigaanibizad.